DEUTSCH | ROMONTSCH
Winter am Laaxersee
Laaxersee
anavos tier Home
Era duront la stagiun freida envida la senda da 1,4 km da spassegiar cumadeivlamein entuorn il lag – senza barrieras ed amiez il vitg. Silla pista d’affons gaudan ils pli pigns l’emprema neiv, leu emprendan da far ils emprems carauns e san ir cul runal ch’ei installaus aposta per els. Ina patinera procura pil divertiment invernal e sch’igl ei in pèr gis ina „Sibiria“ cuntinuada, setransforma gl’entir lag en ina gronda patinera natirala.
Icon Skilift

Divertiment gratuit silla neiv

La pista d‘affons ei a disposiziun per tuts – seigi cun skis, aissa, scarsola ni bob. Il runal ei mintga gi en funcziun, tenor l’aura naven da ca. miez december tochen miez mars. Il transport (mo cun skis ni aissa) ei gratuits. Bien divertiment!

Uras da menaschi
Avonmiezgi 10:00 – 12:00
Suentermiezgi 13:00 – 16:00
Icon Kunsteisfeld

Divertiment gratuit sin glatsch

La plazza da glatsch artificial ei a disposiziun gratuitamein a tuts. Ella ei *aviarta mintga di dallas 10.00 tochen las 22.00 (cun illuminaziun) e vegn preparada naven ca. l’entschatta december tochen la fin da fevrer. Risguardei p. pl. ils temps cura che hockey e trer rudialas han prioritad.

Patinar liber per tuts mintga gi, lubiu da dar cun precauziun hockey
täglich 10:00 – 22:00

Hockey per tuts sill’entira plazza
gliendisgis e mesjamna 18:00 – 22:00

**Trer rudialas per tuts tenor damonda sill‘entira plazza
margis e vendergis 18:00 – 22:00
dumengia 13:00 – 17:00


*Da bischa ni plievgia resta la plazza da glatsch serrada.

**Rudialas san ins retrer ell‘Ustria Lags (CHF 3.00/persuna). Igl ei recumandau da reservar: Tel +41 81 921 77 40
Icon Nachtruhe

Ruaus nocturn

Dallas 22.00 tochen las 07.00 vala il ruaus nocturn. Duront quellas uras ei tutta canera entuorn il Lag Grond scumandada. Persunas che s’exponan vegnan castigiadas.

» Uorden d’utilisaziun

Plan da survesta